(سبەی):
کەشناسی هەرێم بڕی
بارانبارینی (12) سەعاتی رابردوی بڵاوکردەوە کە تێیدا زۆرترین باران لەسەر ئاستی
پارێزگاکان لە سلێمانی باریوە، دەشڵێت: كاریگه‌ری باران و هەورە بروسکە له ناوچه
سنورییه‌كانی رۆژهەڵاتی هه‌رێم تاوەكو سبەینێ ده‌مێنێتەوە.
بەڕێوەبەرایەتى کەشناسى و بومەلەرزەزانى هەرێم بڵاویکردەوە،
لە (12) سەعاتی رابردودا لە قەزای پێنجوێن زۆرترین رێژەی باران باریوە کە (19)
ملیمەترە و لە هەڵشۆش کەمترین باریوە کە (2.1) ملیمەترە.
ئاماژەی بەوەکردوە، لەسەر ئاستی پارێزگاکان لە سلێمانی
زۆرترین باران باریوە کە بڕەکەی (8.7) ملیمەتر بارانە.
کەشناسی هەرێم دەڵێت: كاریگه‌ری
باران و هەورە بروسکە له ناوچه سنورییه‌كانی رۆژهەڵاتی هه‌رێم ده‌مێنێتەوە تاوەكو
سبەینێ و ئه‌گه‌ری دروستبونی ته‌مێكی سوك هه‌یه بەتایبەتی لە ناوچە شاخاوییەکاندا