(سبەی):
فەرماندەی گشتی هەدەسە رایگەیاند: ئەمەریکا پابەند نەبو بە جێبەجێکردنی بەڵێنەکانی، هەسەدە بناغە و کرۆکی سوپای داهاتوی سوریایە.

مەزڵوم کۆبانێ، فەرماندەی گشتی هێزەکانی سوریای دیموکرات لە لێدوانێکی رۆژنامەوانیدا رایگەیاند: ئەمەریکا بەڵێنەکانی سەبارەت بە ناوچەی ئارام نەبردەسەر، بڕیار بو ناوچەی ئارام لەلایەن تورکیا و ئەمەریکاوە دروست بکرێت بە قوڵایی پێنج کیلۆمەتر، بەڵام ئەمەریکا ئەو رێککەوتن و بەڵێنەی نەبردە سەر، ئەنجامی ئەوە لەماوەی چەند سەعاتێکی کەمدا خۆمان لە مەیدانی جەنگێکی قورسدا بینیەوە.

سەبارەت بە دانوستانەکانی نێوان ئەنجومەنی نیشتیمانی کورد (ئەنەکە) و تەڤگەری کۆمەڵگەی دیموکرات (تەڤدەم)، کۆبانێ رایگەیاند: یەکێتی و یەکڕێزیی کورد قورسە، لەبەرئەوەی لایەنە دەرەکییەکان رۆڵی خراپیان هەیە لە دانوستانەکانی کورد و کورددا.

فەرماندەی گشتی هەسەدە رایگەیاند: هێشتاش لەگەڵ هاوپمانە ئەمەریکییەکانیان کاردەکەن بۆ سەرکەوتنی ئەو دەستپێشخەرییە بۆ یەکڕیزیی ناوماڵی کورد، لەسەر ئەو بنەمایەش رێککەوتون لەسەر دیدێکی سیاسی هاوبەش و کاردەکەن بۆ تەواوکردنی هەنگاوەکانی دیکە.

مەزڵوم کۆبانێ رایگەیاند: هێزەکانی سوریای دیموکرات پێکهاتوە لە هاوپەیمانیی نێوان چەندین هێز، هێزێکی نیشتیمانیی سورییە، دەبێتە بناغەی سوپای سوریای نوێ لە داهاتودا.