(سبەى):
وەزارەتى تەندروستى توشبونى (19) کەسى دیکەى لە پارێزگاى دهۆک بە ڤایرۆسى کۆرۆنا راگەیاند، بەوەش ژمارەى توشبوانى ڤایرۆسەکە لە هەرێمى کوردستان گەیشت بە (849) کەس.

وەزارەتى تەندروستى حکومەتى هەرێم رایگەیاند: لە بەردەوامی پشکنینەکان و گەڕان بەدوای گومانلێکراوان و توشبوان، (19) توشبوی ڤایرۆسی کۆڕۆنای نوێ لە پارێزگای دهۆك دەستنیشانکران.

توشبوەکان، هەشت پیاو هەشت ئافرەت و سێ منداڵن.

وەزارەتى تەندروستى حکومەتى هەرێم باسى لەوەش کردوە، سەرجەم توشبوەکان بەرکەوتوی توشبوێکی پێشون لە بەشداربونیان لە داوەتێکی نان خواردن و دانیشتوی ناو شاری دهۆكن.

بەوەش ژمارەى توشبوانى ڤایرۆسى کۆرۆنا لە هەرێمى کوردستان بەرزبۆوە بۆ (849) کەس، لەو ژمارەیەش (14) توشبویان گیانیان لەدەستداوە و (434) توشبوش دواى وەرگرتنى چارەسەر چاکبونەتەوە و گەڕاونەتەوە بۆ ماڵەکانیان.