(سبەى):

گوڵى نێرگز، یەکێکە لەو گوڵانەى کە جوانى و بۆن و پەیامێکى تایبەت بە خۆى هەیە و لە کوردستان لەگەڵ هاتنى وەرزى بەهار و سەوزبونى دەشتودەر ئەم گوڵە دەردەکەوێت.

ئەم گوڵە، جگە لەو شێوەیەى کە زۆر ناسرا و بینراوە نزیکەى (50) جۆرى دیکەى هەیە، بەڵام ئەوەى زۆر ناسراوە پەڕێکى سپییە کە تاجێکى زەردى لەناودایە و بۆنێکى تایبەتى هەیە.

جگە لەم رەنگانە، گوڵە نێرگز بە پرتەقاڵ و پەمەیش دەڕوێت و زیارت لە لە ناوچە سارد و شاخاوییەکان تواناى دەرکەوتن و ژیانى هەیە.

مێژونوسان و روەکناسان، لەبارەى ئەم گوڵەوە باس لەوە دەکەن کە مێژوەکەى بۆ (160) ملیۆن ساڵ بەر لە ئێستا دەگەڕێتەوە و مێژویەکى دورودرێژى هەیە.

جگە لە جوانى و بۆنى خۆشى، نێرگز چەندین سودیشى هەیە وەک هێورکردنەوە و بەهێزکردنی مێشک و نەهێشتنى کۆڵنج و رەقبونی ماسولکەکان و دابەزاندنی گەرمی لەش و بەکارهێنانى لە دروستکردنى بۆندا.