(سبەی):

فەیسبوک بە یەکجاریی کۆتایی بە خزمەتگوزاریی مەسنجەر دەهێنێت و سەرجەم تایبەتمەندییەکانی بۆ ئەپڵیکەیشنەکەی خۆی زیاد دەکات.

ئاژانسی سپوتنیکی روسیی پشتبەستن بە راپۆرتەکانی سایتی (زا ڤیرج) بڵاوی کردەوە؛ کۆمپانیای فەیسبوک پلانی هەیە بەیەکجاریی کۆتایی بە بەکارهێنانی مەسنجەر بهێنێت و ئەوەشی بە شۆکێکی گەورە بۆ بەکارهێنەرانی ئەو ئەپڵیکەیشنە ناوبردوە.

بەپێی راپۆرتەکە سەرجەم تایبەتمەندییەکانی مەسنجەر بۆ فەیسبوک زیاد دەکرێت، وەک خزمەتگوزاریی چات و پەیوەندیی و تەلەفۆن و لەمەودوا پێویست بەبەکارهێنانی دو ئەپڵیکەیشتنی جیاواز ناکات و سەرجەمی لە فەیسبوکدا جێ دەکرێتەوە.

بەپێی راپۆرتە دزەپێکراوەکان فەیسبوک ئایکۆنێک لە بەشی چەپی فەیسبوک زیاد دەکات کە دەبێتە جێگرەوەی مەسنجەر و پێویست بە بەکارهێنانی دو بەرنامەی جیاواز ناکات.

سپوتنک بڵاوی کردەوە؛ کۆمپانیای فەیسبوک لەئێستادا سەرقاڵی تاقیکردنەوەی بەکارهێنانە نوێیەکە و ئامانجی ئەوەیە بەزوترین کات بیخاتەکار و کارئاسانیی بۆ بەکارهێنەرانی بکات.