(سبەی):
لیۆنێل میسى ئەرژەنتینى و ئەستێرەى یەکەمى یانەى بەرشەلۆنە لەپێش رۆناڵدۆ و تەواوى یاریزانە ناودارەکانى تۆپى پێ-وەیە لەروى زۆریى موچەى مانگانەوە.

رۆژنامەى لیکیپ-ى فەڕەنسى لیستى ناوى ئەو یاریزانانەى تۆپى پێى بڵاوکردوەتەوە کە زۆرترین موچەى مانگانەیان هەیە و لیۆنێل میسى لە ریزبەندى پێشەوەى ئەو یاریزانانەدایە کە داهاتى مانگانەى (7.3) ملیۆن یۆرۆیە، دواى ئەو کریستیانۆ رۆناڵدۆى پورتوگالى و یاریزانى یۆڤێنتۆس دێت کە موچەى مانگانەى (4.7) ملیۆن یۆرۆیە و ئەنتوان گریزمانى فەڕەنسى و یاریزانى ئەتلەتیکۆ مەدرید بە موچەى (3.3) ملیۆن یۆرۆ لەپلەى سێیەمى ئەو یاریزانانەدایە کە زۆرترین موچەى مانگانەیان هەیە و دواى ئەویش نیمارى بەرزایلى موچەى مانگانەى (3.06) ملیۆن یۆرۆ و ئینجا سوارێز دێت بە (2.9) ملیۆن یۆرۆ.

بەپێى لیستەکەى رۆژنامەى لیکیپ، گاریس بەیل و فیلیپ کۆتینهۆ و ئەلێکسیس سانچێز ز مباپێ و دواى ئەویش مەسعود ئۆزێل دێت کە موچەى مانگانەیان لە (2.3) ملیۆن یۆرۆوە تا (1.6) ملیۆن یۆرۆیە.