(سبه‌ی):
زانکۆی سلێمانی دەوامی
خوێندن و بەشە ناوخۆییەکان دادەخات و بەشێوەی ئۆنلاین و ئەلکترۆنی درێژە بە پڕۆژەی
خوێندن دەدات.
لە راگەیەندراوێکدا
ئەنجومەنی زانکۆی سلێمانی بڵاویکردەوە، خوێندنی وانەکان لە ناو کەمپەس بۆ سەرجەم
کۆلێجەکانی زانکۆی سلێمانی لە سبەینێ (٣١-٣-٢٠٢١) رادەگیرێت تاوەکو (١٠-٤-٢٠٢١)،
وە لە بەرامبەردا کۆلێجەکان درێژە بە خوێندنەکەیان دەدەن لەو ماوەدا بەشێوازی
ئەلکترۆنی یان ئۆنلاین.
ئاماژە بەوەشکراوە،
تەواوی بەشە ناوخۆییەکانی زانکۆی سلێمانی دادەخرێن تا رێکەوتی (١٠-٤-٢٠٢١).
سەبارەت بە خوێندکارانی
پڕۆسەی خوێندنی (دبلۆمی باڵا، ماستەر، دکتۆرا)، ئەنجومەنی زانکۆی سلێمانی
رونیکردەوە کە خوێندنیان بەردەوام دەبێت وەک پێشتر بەشێوەی ئاوێتە، لەگەڵ
جێبەجێکردنی تەواوی رێکارەکانی خۆپارێزی.