(سبه‌ی):
وه‌زیری ده‌ره‌وه‌ی ئه‌مه‌ریكا جه‌ختده‌كاته‌وه وڵاته‌كه‌ی
ئاماده‌یه له پێگه‌ی هێزه‌وه په‌یوه‌ندی له‌گه‌ڵ چین دروستبكات.
ئه‌مڕۆ
یه‌كشه‌ممه، ئه‌نتۆنی بیلینكن، وه‌زیری ده‌ره‌وه‌ی ئه‌مه‌ریكا له لێدوانێكیدا به
(CNN)
راگه‌یاند: په‌یوه‌ندی نێوان وڵاته‌كه‌ی و چین، له رویه‌كه‌وه په‌یوه‌یندییه‌كان
له ئاستی دژایه‌تی یه‌كتریدایه و به‌رده‌وام رو له زیادبونه، له‌لایه‌كی دیكه‌شه‌وه
له كێبڕكێدان و هاوكاری له‌نێوان هه‌ردو وڵاتدا هه‌یه.
وتیشی:"له
كۆتایدا ده‌بێت په‌یوه‌ندیی له پێگه‌ی هێزه‌وه له‌گه‌ڵ چین دروستبكه‌ین".
ئاماژه‌ی
بۆئه‌وه‌كرد، بۆ دروستكردنی ئه‌و په‌یوه‌ندییه‌ش ویلایه‌ته یه‌كگرتوه‌كانی ئه‌مه‌ریكا
پشتی به هاوپه‌یمانه‌كانی به‌ستوه و ده‌شڵێت:"ئه‌گه‌ر بتوانین روبه‌ڕوی
ئاڵنگارییه‌كانی چین بنه‌وه، به‌دڵنیاییه‌وه به‌شێوه‌یه‌كی چالاكتر ده‌توانن
مامه‌ڵه له‌گه‌ڵ چین بكه‌ن".
پێشوتر
و له چوارچێوه‌ی كۆبونه‌وه‌ی په‌یمانی باكوری ئه‌تڵه‌سی له برۆكسل ئه‌نتۆنی
بلینكن، وه‌زیری ده‌روه‌ی ئه‌مه‌ریكا رایگه‌یاند؛ روسیا و ئێران و چین و كۆریای
باكور بونه‌ته سه‌رچاوه‌ی دروستكردنی ترس و دڵه‌راوكێ له‌سه‌ر وڵاتانی رۆژئاوا.