(سبەی):
وەک نەریتێکی ساڵانە، دانیشتوانی گوندی بۆگدی سەر بەناحیەی ئاشتی لە قەزای کۆیە نزیکەی (35) کیلۆمەتریان بەپێی بڕی بۆ گەڕانەوەیان بۆ گوندەکەیان.
ماوەی (12) ساڵە هاوڵاتیانی گوندی بۆگد، ئەوانەی لەشارەكان نیشتەجێن بەپێ دەیان كیلۆمەتر دەبڕن و لە  كۆیەوە بە رێگا كۆنەكانی باب و باپیرانیان دەگەڕێنەوە  بۆ  زێدی خۆیان.
كچان و كوڕانی گوندەکە پێکەوە هەوراز و نشێو و دۆڵەکان بەپێ و بۆ ماوەی (12) سەعات دەبڕن و بەوتەی خۆیان ئامانجیان ئەوەیە گیانی یەكگرتویی و خۆشەویستی لەناو خۆیاندا بە زیندویی بهێڵنەوە، لەگەڵ گەیشتنیان دانیشتوانی گوندەكە بە نوقڵ و شیرینی و چا پێشوازیان لێدەكەن.

کۆیە/ هەژار رەشید