(جیرارد پیكیَ) ى به‌رگریكارى یانه‌ی به‌رشه‌لۆنه‌ی ئیسپانی دریَژه‌ به‌ پاراستنی هیَڵی به‌رگری كه‌ته‌لۆنیه‌كان ده‌دات و بۆنده‌كه‌ی تا ساڵی 2015 نویَ ده‌كاته‌وه‌.
 یانه‌ی به‌رشه‌لۆنه‌ی ئیسپانی له‌ ریَی ماڵپه‌رى تایبه‌تی خۆیه‌وه‌ به‌ شیَوه‌یه‌كی فه‌رمی ئاشكرایكرد كه‌ (جیرارد پیكیَ)ى دڵی به‌رگریكارانی یانه‌كه‌ی له‌گه‌لڕ به‌رپرسانی به‌رشه‌لۆنه‌دا گه‌یشتۆته‌ ریَكه‌وتن و بۆنده‌كه‌ی تا ساڵی 2015 نویَكردۆته‌وه‌،ئه‌و ماڵپه‌ره‌ ئاشكرای كردوه‌ كه‌ به‌رپرسانی یانه‌ی به‌رشه‌لۆنه‌ برِی پاره‌ی پیَویست بۆ شكاندى بۆندی ئه‌و یاریزانه‌یان 4 ئه‌وه‌نده‌ی پیَشو به‌رزكردۆته‌وه‌و له‌ 50 ملیۆن یۆرۆوه‌ كردویانه‌ به‌ 200 ملیۆن یۆرۆ.
جیَگه‌ی ئاماژه‌ پیَدانه‌ (پیكیَ) له‌ ساڵی 2004 دا له‌ ریزه‌كانى یانه‌ی به‌رشه‌لۆنه‌وه‌ روی كرده‌ خولی پریمه‌رلیگی ئینگلیزی و په‌یوه‌ندی كرد به‌ یانه‌ی مانچسته‌ریونایتدی ئینگلیزیه‌وه‌ به‌ڵام به‌هۆی دانیشتنی زۆری له‌سه‌ر كورسی یه‌ده‌كی یانه‌كه‌ی له‌ وه‌رزی رابردودا گه‌رِایه‌وه‌ ریزه‌كانى بلوگراناو له‌ ئیَستادا یه‌كیَكه‌ له‌ باشترین یاریزانه‌كانى ئه‌و یانه‌یه‌.